مشاكل ليلة الدخله وحلولها

المشاكل الخاصه بيكي:

الكسوف والتوتر:

طبعا اي عروسه فاليوم ده بتكون متوتره وزي ما قولتلكم قبل كده مش لازم تتوتري
لان ده اليوم اللي طول عمرك بتحلمي بيه فلازم تنسي اي مشاكل واي خوف
وتستمتعي باليوم ده لانه مش بيتكرر فالعمر غير مره واحده بس
واليوم ده اللي هيحدد علاقتك بجوزك طول العمر ولو حصل فيه مشاكل وتعب
هيسيب عندك انطباع سيء وكل مره هتكوني فيها مع جوزك
هتلاقيكي لا ارادي بتتوتري وبتعبي والنتيجه علاقه زوجيه غير ممتعه للطرفين
ده غير الوجع والتعب اللي هتتعبيه الناتج من انقباض العضلات
وعشان تتغلبي على التوتر زي ما قولتلك تصلي الركعتين دول
وكمان تحاولو انكم تتكلمو شويه و تهزري مع جوزك يعني مثلا تقوليله
الفرح كان حلو قوي بس ايه رايك ففستاني بقى كان شكلي حلو ولا ايه
وممكن مثلا لو حصل موقف ظريف فالفرح تقوليه شوفت اما كذا كذا حصل وتضحكو شويه
تحاولي مثلا تساليه ايه رايك فمفرش السرير حلو ها
ده انا عقبال ما نقيته لفيت وعملت صدقيني الكلام ده هيخفف من توترك نهائي
وهيحسسك بالقرب منه اكتر و هيكسر حاجز التوتر والخوف والقلق
اللي ممكن تكوني فيه


الغشاء والنزيف:

ساعات بيحصل ان من كتر العروسه ما هى متوتره وخايفه
بيحصل عندها لا ارادي انقباض فعضلات الرحم وده بيكون سبب
فأن الزوج مايقدرش يتم العمليه بسهوله و فيه عرسان بيتفهمو الموقف
و يحاول يهدي عروسته بس فيه برده من كتر ماهو متوتر هو كمان بيبقى عايز
يتم الموضوع ده فالليله دي و ده بيخليه يكون عنيف شويه فعملية فض الغشاء
وممكن ينتج عن كده نزيف للعروسه وطبعا هى اول ما هتشوف الدم نازل منها
هتنهار وتجري على التليفون تكلم ماماتها

وعلى فكره انا اعرف عروسه عملت كده فعلا فانت اصلا ليه من الاول تتوتري
قوي كده يابنتي الموضوع مافيش اسهل منه فالدنيا انا ما انكرش انه بيكون فيه وجع
بس والله خفيف جدا كان مثلا حد ماسك ايدك وضغط عليه شويه
وبالراحه مش بالجامد كمان وممكن يكون فيه شوية حرقان بسيط
بس هيروح مجرد ما الموضع يتم او ممكن بعد مره او اتنين كمان وبعد كده
جسمك هيتعود ومش هيبقى فيه ولا وجع ولا حرقان وهتفضل المتعه
و الاحساس الرائع وفقط.

بس لو لاقدر الله حصل معاكي كده تتصرفي ازاي ؟؟
انت خلي معاكي فدرج التسريحه دوا اسمه دافلون خدي منه حبايه 3 مرات فاليوم
ده لو حصل نزيف وهتلاقي الدم توقف علطول ان شاء الله وده علاج معروف للنزيف
بتاع البريود او البواسير يعني مضمون ومش ليه اي خطر ده بالنسبه للنزيف
طيب بالنسبه لصعوبه عمليه فض الغشاء هاتي برده من الصيدليه جل
مخصوص للموضوع ده اسمه KY gel استخدميه لو حسيتي ان فيه صعوبه
فاتمام العمليه دي يا اما عشان من كتر التوتر مافيش افرازات نزلت منك
والافرازات دي اللي بتسهل الموضوع ده يا اما العضلات منقبضه زي ما قولتك
وفي الحالتين الجل ده بيسهل الموضوع

####
2- المشاكل الخاصه بزوجك:

الزوج بقى لو حصلتله مشكله فاليوم ده بتبقى صعبه شويه لانها بتاثر على نفسيته
اكتر من اي حاجه فانت لازم تتعاملي بحكمه فالموقف ده
والمشكله اللي ممكن تحصل لجوزك فالغالب مشكله وحيده وهى عدم القدره
على فض الغشاء ودي بتكون نتيجة ان الضغط كله بيكون على العريس لانه هو
المسؤال عن اتمام الموضوع ده فالليله دي فلو حصل كده بقى سيادتك هتعملي ايييييييييييييييه؟

انت اصلا هتلاحظي على طول انه مش فالمود وان الموضوع مش هينفع
فانت تحاولي بذكاء كده تجيبي الموضوع من نحيتك ومش تحسسيه خالص انك
اخده بالك انه مش قادر لان لو حس منك كده ممكن الموضوع يقلب بجد ويبقى
مش قادر فعلا ودي هتبقى كارثه فانت تعملي نفسك تعبانه مصدعه جعانه
اي حاجه المهم توقفو اللي انتم بتعملوه وتقومي تاخدي مسكن لو قولتي انك مصدعه
ومش قادره دماغك ياعيني هتتفرتك من دوشه الفرح والدي جي
او تقومي تقوليله طيب ماتجيبي نتعشي لحسن انا واقعه من الجوع ومعرفتش اكل ساعة البوفيه
المهم تقولي اي حجه تقومك من السرير وتقعدو شويه كده وبعدين تدخلو تنامو تاني
ولو حسيتي انه بجد مش قادر قوليله انا بجد تعباننه قوي ومش قادره خالص
وعايزه اناااااااااااام باي شكل هو هتلاقيه هيسيبك على راحتك واما تصحو تاني يوم
هتلاقي كل حاجه تمام و الموضوع هيتم بخير ونقولك الف مبروك يا عروسه

بس اياكي ثم اياكي تفضحي الراجل وتقولي لمامتك انه مكنش قادر والكلام الفارغ ده
فبجد ماينفعش حتى لو قعد اول يومين كده وماماتك اكيد هتسالك فقوليلها الحمدلله
كله تمام متزوديش كلمه تانيه لان ده جوزك ولازم تحافظي على شكله قدام الناس
لان لو العروسه هى اللي كانت السبب فعدم اتمام الموضوع بيكون عادي
والناس بتقول خايفه انما لو العريس هو اللي كان السبب الناس بتقول يالهويييييييييي
ده ماله هو مش بيعرف ولا ايه والكلام بقى اللي من النوع ده.


ودي كده لسته بسيطه للادويه المفروض تكون معاكي فالليله دي:
1- مسكن عشان لو كنتي مصدعه من دوشة الفرح
2- دافلون عشان لو بعد الشر حصل نزيف
3- KY gel
4- اي ادويه انت او جوزك بتخدوها باستمرار يعني بخاخ الربو مثلا الحاجت المهمه دي

وبكده اكون خلصت موضوع النهارده اللى هو مشاكل ليلة الدخله
اتمنى تكونو استفدتو مني ولو بمعلومه واحده
ويايرت تتفاعلو معايا عشان بجد انا بدات ازعل